Lalis sa P10, konduktor nadunggaban

CEBU, Philippines – Nalandig sa tambalanan ang konduktor sa usa ka pasaheroang jeep human kini dunggaba sa laing konduktor gumikan sa panaglalis sa P10 sa terminal Tintay, Talamban, Dakbayan sa Sugbo pasado alas 9 sa nakalabay nga gabii.

Ang biktima giila nga si Ricky Sigue, 44, samtang ang suspek nailhan lang sa pangalan nga Melody.

Matud ni Police Officer 3 Jerry Genelaso sa homicide section sa Cebu City Police Office nga gihatagan og P100 sa drayber sa jeep ang suspek aron ipalit og beer apan sa iya’ng pagbalik kuwang na og P10 ang kwarta.

Didto na gisita sa biktima ang suspek   hangtud niabot sa tinubagay.

Sa kalagot sa suspek nibunot kini og icepick nga mao’y gidunggab sa tiyan sa biktima dayon sibat. – /GMR) (BANAT NEWS)