P21M na natigum alang sa IEC
CEBU, Philippines - Nikabat na sa P21milyones ang naabot sa gilusad sa Archdiocese of Cebu nga Piso Para sa Misa nga Mundo ng gamiton alang sa galastohan sa 51st International Eucharistic Congress nga ipahigayon sa Dakbayan sa Sugbo sunod buwan.
Matud ni Fr. Charles Jayme, national coordinator sa PPMM program, nga P9 milyones sa mao’ng kantidad gikan sa Sugbo.
Sumala pa ni Jayme nga hangtud mohatag pa ang mga Archdioceses ug Dioceses para sa fund raising, padayon lang gihapon sila’ng modawat aron mapuno sa budget nga gikinahanglan sa IEC.
Gibutyag ni Jayme nga P25 milyones ang gibanabana nga gastuhon sa tibuok kalihukan sa IEC. Sa pikas bahin, ang Archdiocesan Shrine of Our Lady of Guadalupe sa Dakbayan sa Sugbo nihimo og pamalandong sa wala pa ang Misa de Gallo alas 3 kagahapon sa buntag.
Kini gipahigayon ni Bro. Socrates Fernandez sa programa’ng Katin-awan sa Pagtuo’ng Katoliko sa DYRF1215 ug gisundan sa Sugilandong kon sugilanon dala pamalandong nga usa ka drama presentation, usa ka pagpamalandong para sa mga manimbahay sa pagkatawo ni Kristo ubos sa pagdirehir ni Aljin Abaquita, usa ka inila’ng director ug actor nga nag-ulohan og “Ulahi Na Ba?” nga nakahatag og paghinuklog sa gatusan ka nitambong sa Santos nga Misa sa ikaduha’ng adlaw sa Misa de Gallo.
Matud ni Abaquita nga gikan sa pagsugod sa Misa de Gallo hangtud sa ikasiyam nga novena-mass, lain-lain nga drama presentation nga molanat og 10 minutos ang ila’ng ipresentar. (BANAT NEWS)
- Latest
