Davide di motuo overpriced ang heavy equipment
CEBU, Philippines - Nagtuo si Gobernador Hilario Davide III nga wala’y pagpaburot sa presyo sa mga heavy equipment nga paliton sa Kapitolyo nga balor og P250 milyones.
Ang Bids and Awards Committee (BAC) niduso na sa mga dokumento sa hunta probinsiyal alang sa resolusyon sa pagtugot kang Davide nga i-award na ang kontrata ngadto sa ConEquip Philippines.
Matud sa gobernador nga ang mao’ng isyu gisakyan na usab sa iya’ng mga kritiko ug nagpakatap og pasangil nga adunay nahitabo’ng paburot.
Si Davide nisuporta sa desisyon sa BAC sa pag-award sa proyekto sa nahisgutang bidder.
Gikataho nga ang presyo sa mga heavy equipment gidoble kini nga mao’y bayran sa Kapitolyo.
Usa niini ang P5.123 milyones nga 4x2 dump truck gikan sa China apan giingong P2.6 milyones ra ang presyo niini base sa napalit sa usa ka pribado’ng kompanya. (Brenda D. Batuto/GMR)(BANAT NEWS)
- Latest
