60-anyos nadagit sa multicab
CEBU, Philippines – Patay ang 60-anyos nga babaye nga nadasmagan sa naghaguros nga multicab sa Barangay Libertad, Dakbayan sa Bogo alas 8 pasado kagahapon sa buntag.
Si Senior Police Officer 4 Rogel Layson sa Bogo City Police Station niila sa namatay nga si Ofelia Yañez Blanco, taga Barangay Carbon sa mao’ng dakbayan.
Nagmaneho sa multicab nga nagdala sa plate number nga YEF 450 si Keanno Arnoco, 20- anyos, taga dalan R. Fernan, Poblacion sa mao’ng dakbayan.
Matud ni Layson nga nanaug ang biktima sa giluwanan nga multicab gikan sa merkado ug samtang nagbarug nga nagtunol sa plete, kalit lang nadagit sa naghaguros nga multicab.
Tungod sa kakusog sa impact, nalamba sa karsada ang biktima nga nakaingon sa grabe’ng kadaut sa iya’ng kalawasan.
Dali unta nga gitabang sa kabanay ang biktima ug gidala sa Bogo Provincial Hospital apan gideklarar sa mga doktor nga dead on arrival.
Nitahan hinuon sa kapolisan ang drayber nga nakadasmag ug kasamtangang gitanggong sa detention cell aron pasakaan og kaso. – /GMR) (BANAT NEWS)
- Latest
