Subsidy sa Sinulog contingents padak-an
CEBU, Philippines – Tinguha sa executive director sa Sinulog Foundation, Ricky Ballesteros, nga pasakaan ang subsidy sa mga out-of-town contingents gikan sa P150 mil ngadto na sa P200 mil.
Matud ni Ballesteros nga dili basta-basta ang mga costumes ug props nga gamiton sa mga dancers ug dili usab basta-basta ang kantidad niini .
Gipadayag ni Ballesteros nga ang pagpausbaw sa subsidy makapaaghat sa mga contingents nga mobalik matag tuig ug mopakita gyud sa ila’ng labing nindot nga sayaw.
Sumala pa ni Ballesteros nga P30 milyones ang ila’ng gipangayo nga budget alang sa umaabot nga kalihukan sa Sinulog.
Gibutyag ni Ballesteros nga sunod semana sugdan na usab nila ang katukuran sa stage nga gamiton sa Sinulog 2016 diin padayon na nila karong gihan-ay alang sa Sinulog sa Kabataan ug ang Grand Mardi Gras. (BANAT NEWS)
- Latest
