Laing grupo nikiha ni Davide bahin sa CICC
CEBU, Philippines - Nag-atubang og laing kaso’ng kriminal ug sibil si Gobernador Hilario Davide III sa buhatan sa Ombudsman kabahin sa kontrobersiyal nga Cebu International Convention Center (CICC).
Kini human nipasaka og sumbong kagahapon ang Pundok sa mga Kabus Homeowners Association, Inc. nga taga Mandaue City.
Una’ng nipasaka og kaso batok ni Davide si Atty. Ervin Estandarte, residente sa Pagsabungan, Mandaue City, ug dayun si kanhi gobernador, karon Kongresista Gwendolyn Garcia kinsa mao’y nagpatukod sa CICC.
Inabagan ni Atty. Mohammad Nabil Mutia, ang mga reklamante mao sila si Marisa Mondejar, presidente sa grupo ug mga sakop nga sila si Mary Gekin, Karen Sanchez, Melagrosalyn Abadejas, Gemma Corcelles, Nimfa Lantafe, Iranio Villaceran, Ofelia Betorico, Bani Monica, Maripaz Abad ug Rebecca Ebarita.
Kaso’ng anti-graft, gross neglect of duty, grave misconduct ug oppression ang gisang-at nga reklamo.
Matud ni Mutia nga ang pagka-wala’y aksiyon ni Davide sa CICC nga naguba sa linog ug bagyo niadtong 2013 ang nakaaghat sa mga kihante sa pagpasaka og kaso ug dili kini politically-motivated. (BANAT NEWS)
- Latest
