‘Never Again’ billboard nibalhin sa Talisay
CEBU, Philippines - Laing "Never Again" nga billboard ang gibutang daplin sa karsada sa South Road Properties (SRP) sa Barangay Tanke, Siyudad sa Talisay.
Gani ang mga motorista nga gikan sa Siyudad sa Sugbo ang nahingangha sa pagbutho sa daku’ng billboard. Si Michael, 28, niingon nga bag-o lang gyud siya nakakita sa billboard ug siya nagtuo nga kagahapon sa buntag lang kini gitaud o ba kaha sa kadlawon.
Iyang gidudahan nga ang tawo nga responsable sa pagbutang mao ra sab ang tawo nga nagbutang sa susama’ng billboard sa Cebu International Convention Center (CICC) sa Dakbayan sa Mandaue.
Ang billboard adunay suwat nga "Never Again...Underwater Balili Property. 100 Million Pesos of Peoples Money Wasted!!! - Cebuanos for Good Governance and Development.
Kini nagpasabot sa kontrobersiya sa pagpalit sa Kapitolyo sa luna sa Siyudad sa Naga panahon sa administrasyon ni kanhi gobernador Gwendolyn Garcia. Ang billboard adunay color nga yellow ug itom ang suwat niini. Gisuwayan sa Banat News sa pagpangutana ang mga nagpuyo sa dapit apan sila nangambot og si kinsa ang nagbutang sa billboard.
Si Talisay City Mayor Johnny de los Reyes niingon nga iya’ng ipasusi kun si kinsa ang naghatag og permit sa pagtaud sa billboard. Nanghunaw sab kini sa kalambigitan sa pagtaud sa billboard.
Ang mayor kaalyado ni Gob. Hilario Davide III ubos sa Liberal Party. (BANAT NEWS)
- Latest
