Mga tinun-an gipasalmot kontra illegal drugs
CEBU, Philippines – Nagpahigayon og sangka ang Department of Education Cebu City Schools Division ug Cebu City Anti-Drug Abuse Council sa mga tinun-an sa dakbayan sa pagselebrar sa Anti-Drug Prevention Month.
Matud ni Dr. Alice Utlang pangulo sa COSAP kabahin kini sa kampanya batok sa ilegal nga drugas ug pag-edukar sa kabataan aron ilang mahibaw-an nga makadaot sa kaugmaon ang maong bisyo.
Dugang pa ni Utlang, ang tawo nga magbisyo sa drugas mao kadtong adunay problema sa balay, depression, peer pressure ug uban pa.
Ang DepEd sa siyudad nilusad og Poster Making, Essay Writing, ug Slogan Making contests nga gisalmotan sa nagkadaiyang banggiitang estudyante sa elementarya ug sekondarya sa tanang public schools sa siyudad.
Adunay 96 ka mga tinun-an gikan sa 16 ka DepEd districts sa dakbayan ang nagtigi sa maong mga kompetisyon.
Karong umaabot nga Disyembre 7, 2015 ipagawas ang resulta ug mao usab ang adlaw nga hatagan og pasidungog ang tinun-an nga makadaog diha sa Cebu City Hall. – /EIM) (BANAT NEWS)
- Latest
