Free Wifi sa Toledo
CEBU, Philippines - Gipasar na sa ikaduha nga pagbasa sa konseho sa dakbayan sa Toledo ang resolusyon nga magmugna og libre nga Wifi.
Kini pinaagi na sa pakig-alayon sa Department of Science and Technology alang sa pag-instalar og libreng wifi sa tanang mga pampubliko nga lugar sa siyudad.
Giduso ni Konsehal Leo Dolino ang resolusyon nga magtugot ni Toledo City Mayor John Henry Osmeña sa pagdawat sa sugyot sa DOST aron mahatagan og katumanan ang pagbutang og libreng wifi.
Kini e-instalar sa mga tunghaan, terminal, public library, tambalanan, police station, port area ug uban pang mga pampubliko nga mga lugar sa Toledo.
Tumong niini nga aduna nay access ang tanan sa internet diin tipik usab kini sa community development sa dakbayan.
Nasayran nga ubang siyudad sa nasud aduna nay libreng wifi. (BANAT NEWS)
- Latest
