Presyo sa pang-noche buena gi-monitor
CEBU, Philippines – Ang Department of Trade and Industry-7 nagsugod na usab sa ilang pag-monitor sa mga presyo nga gamiton panahon sa Pasko sama sa pang noche buena.
Matud pa ni Zaide Bation, chief trade industry specialist sa DTI provincial office nga good news alang sa mga mahiligon sa hamon nga paboritong handa sa Pasko sanglit mius-os ang presyo niini og singko porsiyento.
Hinuon alang niadtong mahilig sa mga salad dili maayong balita kay misaka og gamay ang presyo sa fruit cocktail ug mayonaise gikan sa P2 ngadto sa P3.
Samtang ang ubang mga palaliton panahon sa Pasko wa moirog ang presyo itandi sa miaging tuig.
Daan na usab nga nagsige og inspeksyon ang DTI batok sa mga peligro kaayong substandard nga mga Christmas lights ug uban pang dayan-dayan nga gamitan og kuryente.
Matud pa nga dali kining masunog ug moresulta sa danyos sa mga kabtangan ug kinabuhi. Usa sa gitan-aw sa DTI mao ang pagkuyanap sa mga pekeng International Compliance Certificate (ICC) stickers. (BANAT NEWS)
- Latest
