Mga politiko nga motambong sa IEC gipahimangnoan
CEBU, Philippines - Ang mga politiko wala did-i kun gusto sila nga motambong sa kalihukan sa International Eucharistic Congress 2016, apan giawhag nga dili sila mohimo’g mga lakang nga may kalabotan sa pamolitika.
Si Auxiliary Bishop Dennis Villarojo miingon nga bukas ang IEC ni bisan kinsa nga gustong moapil sa kalihukan apan hangyo nila sa mga politiko nga respetuhon ang kasagrado ug integridad sa Eukaristiya.
Sumala pa ni Villarojo nga atol sa international nga kalihukan wala’y gitugotan nga makahatag og mensahe, gawas lang sa mga imbitado nga speaker alang sa congress, representante ni Pope Francis ug ang talahuron nga Arsobispo sa Sugbo Jose Palma.
Si Villarojo nibutyag nga sagrado kaayo ang maong kalihukan busa kinahanglan gayud nga hatagan og respeto ang sakramento.
Ang pamahayag giluwatan ni Villarojo samtang nagkaduol na ang kalihukan sa IEC 2016 ug ang umaabot nga eleksyon. (BANAT NEWS)
- Latest
