Wa na balika sa asawa naghikog
CEBU, Philippines - Namatay gyud sa ikaduha’ng paghikog ang traysikad drayber nga naghigot og malong sa liog sa Mahayahay, Gabi, Cordova alas 6 pasado kagahapon sa buntag. Si Senior Police Officer 1 Laurencio Wagwag sa Cordova Police Station niila sa namatay nga si Crisanto Pogoy, 31-anyos, minyo nga nagpuyo sa mao’ng dapit.
Matud ni Wagwag nga nipauli sa Dakbayan sa Toledo ang asawa sa namatay ug wala na kini mopauli ug mao’y gituohan nga gikaguol hinungdan sa paghikog ni Pogoy.
Matud ni Wagwag nga ang mga sakop sa pamilya niingon nga si Pogoy nisuway na sa paghikog pinaagi sa paghigot unta og pisi sa liog apan nabantayan kini ug napakgang.
Gihimo sa namatay ang subli nga paghikog ginamit na ang malong nga gihigot sa liog nga ang pikas tumoy didto gihigot sa daku’ng punoan sa mangga luyo sa ila’ng panimalay.
Si Wagwag niingon nga ang igsuon sa namatay nga si Edwin Pogoy ang una’ng nakadiskubre sa patay’ng lawas ni Crisanto nga nagbitay na. -/GMR (BANAT NEWS)
- Latest
