Awhag ni Palma: kabus tabangan
CEBU, Philippines - Nipadangat sa iya’ng pahasubo si Arsobispo Jose Palma sa Archdiocese of Cebu sa insidente nga naghabol sa Minglanilla District Hospital.
Matud pa sa Arsobispo nga subli siya’ng mohangyo sa mga hingtungdang ahensya, ma-hospital man o ma- gobiyerno, sa paghatag og dinalian nga pagtagad ilabi na sa katawhan nga mga kabus subay usab sa pagsaulog sa simbahan sa tuig sa mga kabus.
Sumala pa ni Palma nga nasubo siya sa gidangatan sa usa sa mga bata nga namatay diin sa pipila lang nga kantidad sa kwarta nga nabugtoan kini sa kinabuhi.
Si Palma nipadayag nga kung adunay kahigayunan nga mahimo ang tanan nga mga pamaagi aron matabangan ang mga nagkalisud nga kabus mas labing maayo kaayo nga buhat.
Ang Arsobispo mopadangat sa iya’ng pag-ampo para sa mga pamilya sa mga bata ug nanghinaut nga kung kinsa kadto’ng adunay tulubagon ngadto sa iya’ng kaigsuonan kinahanglan usab niini’ng atubangon. -/GMR (BANAT NEWS)
- Latest
