Gibiyaan sa kapuyo nagbitik sa liog
CEBU, Philippines – Patay na nga nakit-an sa iyang inahan ug anak ang usa ka 31-anyos nga lalaki human kini naghikog tungod kay gibiyaan sa iyang kapuyo diha sa Villagonzalo II, barangay Tejero ning dakbayan sa Sugbo.
Ang naghikog mao si Ryan Cañacao kinsa gibiyaan sa iyang kapuyo sa wala matinong hinungdan niadtong Oktubre 31 ning tuiga.
Sa imbestigasyon sa taga Homicide Section sa Cebu City Police Office nga gipangulohan ni Senior Police Officer 2 Wetzel Berry ug mga kaubanan nasayran nga sugod pa niadtong adlawa nabantayan nga pirmeng nagmagul-anon si Cañacao ug wala na mogawas sa iyang lawak.
Niadtong nakalabay nga gabii ang inahan niini nga si Honorata ang maghatod unta og pagkaon sa iyang anak diha sa lawak niini apan wala na kini nangabri sa pultahan bisan giunsa pagsangpit. Tungod niini, gilili sa inahan ang gamay nga lungag sa lawak ug didto iyang nakita nga nagbitay na iyang anak sa pisi. – /EIM) (BANAT NEWS)
- Latest
