Killers ni Agnelyn Uy kasohan
CEBU, Philippines - Karong semanaha gitakda sa Cebu City Police Office nga mapasaka ang kaso batok sa gidudahan nilang maoy mipatay sa babaye sud sa sakyanan niini diha sa Almendras Street, barangay Mabolo ning dakbayan sa Sugbo.
Kini bisan wala pa hangtod karon makita sa kapulisan ang duha ka mga tawo nga giingong naglingkod sa Kia Picanto nga sakyanan kauban sa biktimang si Agnelen ug bana niining si Wayne Christopher Uy.
Matud pa ni Superintendent Romeo Santander, hepe sa City Intelligence Branch (CIB) sa CCPO giingong namakasyon sa Leyte ang duha ug wala pa nabalik sa ilang mga trabaho.
Gipaabot pa usab sa kapulisan ang mga resulta sa naunang mga eksaminasyon sa Regional Crime Laboratory -7 ug ang mga affidavits sa mga testigos.
Samtang tun-an usab sa kapulisan ang nakuha nga kopya sa close circuit television (CCTV) kay wala magtakdo ang pamahayag sa bana sa biktima.
“Among giestudyohan tanang detalye diha sa cctv.
Most probably tanang mga circumstances, and oras nga gi-estorya sa husband naay inconsistencies,” pasabot pa ni Santander. (BANAT NEWS)
- Latest
