Kolorum nga vans gidakop
CEBU, Philippines – Gidakop ang duha ka kolorum nga tourist vans sa mga tinugyanan sa Land Transportation Franchising and Regulatory Board atol sa Adlaw sa mga Santos ug Kalag.
Matud ni Emil Membrillas, assistant information officer sa LTFRB-7, nga tourist franchise ang dokumento sa duha ka vans apan gigamit kini sa pagpamasahero.
Nasikop ang usa ka tourist van sa may Compania Maritima nga iya sa Zeerazm Tours and Travels samtang Sabado sa gabii nasikop ang CEPUDCO sa may North Bus Terminal ug gi-impound na kini karon sa impounding area sa Land Transportation Office.
Subay sa Joint Administrative Order 2014-01, ang una’ng kalapasan may multa nga P200,000 ug tulo ka buwan nga minimum nga impounding sa kalapasan.
Gibutyag ni Membrillas nga sa pagkasikop sa duha ka tourist vans, malinawon ra sa kinatibuk-an ang pag-asistar sa LTFRB sa kalihukan sa Adlaw sa mga Santos ug Kalag.
Si Membrillas nibutyag nga sa kinatibuk-an niabot ngadto sa 68 ka tawo ang nikuha og special permit sa ila’ng pagpahigayun og labyog nga biyahe sa managlahi nga lugar. – /GMR) (BANAT NEWS)
- Latest
