Rama gusto gyung mabalhin si Angtud
CEBU, Philippines – Gisupak ni Mayor Michael Rama ang kamandoan ni Department of Education Secretary Armin Luistro nga isuspenso ang pag-implimentar sa appointment sa bag-ong superintendent sa division sa siyudad.
Kini human mipagawas og endorsement si Luistro niadtong Oktubre 13 nga mi-advise kang Dr. Virginia Zapanta nga isuspenso una ang iyang reassignment isip bag-ong superintendent sa siyudad. Si Zapanta unta ang mohulip kang Dr. Rhea Mar Angtud kinsa sulod na sa unom ka tuig nga naglingkod sa dakbayan sa Sugbo.
Si Rama nahiubos sa kalit nga pag-usab sa desisyon ni Luisto human nga napagawas na niadtong Agosto 17 ni DepEd Undersecretary for Regional Operations Rizalino Rivera kang DepEd-7 director Dr. Juliet Jeruta nga si Zapanta maoy mohulip ni Angtud.
Kini na-implimentar na niadtong Septiyembre 2 apan, si Luistro miluwat og order nga isuspenso una ang reassignment order.
Matud ni Rama nga sumala pa sa DepEd Department Order 7 series of 1999 nga dapat ilisan ang school’s division superintendent kada lima ka tuig.
Hinuon mapasalamaton siya ni Angtud kinsa unom ka tuig nga niserbisyo sa siyudad. – /EIM) (BANAT NEWS)
- Latest
