Tungod sa uyab naghikog patay
CEBU, Philippines – Napalgan na lang nga patay na ang usa ka lalaki nga naghikog sa usa ka kahoy kilid sa ila’ng balay pasado alas 7 sa buntag sa niagi’ng adlaw sa barangay San Antonio, lungsod sa Boljoon.
Ang lalaki naila nga si William Endrina, 21, molupyo sa mao’ng dapit.
Si PO2 Rex Pelonio, desk officer sa Boljoon Police Station, niingon nga ang inahan ni William nga si Juana ang nakakita nga nagbitay na sa punoan sa Gemilina ang anak. Dali siya’ng nanawag og tabang apan diha’ng gidala na sa Oslob District Hospital si Willian, gideklarar na kini nga dead on arrival.
"Sukad ni’ng iya’ng uyab nipunta na diha sa siyudad, sige na ni’ng gahilak, sige’ng tulala si William,” matud ni Pelonio.
Matud sa inahan ngadto sa mga polis nga ang picture sa uyab gusto usab nga sunogon.
Nagduda ang inahan nga tungod sa uyab naghikog ang iya’ng anak. – /GMR) (BANAT NEWS)
- Latest
