Mga magtutudlo sa Inayawan, Tejero gi-drug test
CEBU, Philippines - Gipaubos sa random ug surprise drug test ang 71 ka magtutudlo sa Inayawan Elementary School ug Tejero National High School nga gihimo sa Cebu City Office on Substance Abuse Prevention (COSAP).
Unang gipaubos sa random test ang 31 sa 114 ka magtutudlo sa Inayawan ES.
Matud sa pangulo sa COSAP, Dr. Alice Utlang, nga random drug test lang ang gipahigayon sa Inayawan tungod kay half-day lang ang ila’ng schedule samtang daghan kaayo ang mga magtutudlo ug dili usab kaayo sirado ang mao’ng tunghaan.
Gisunod ang surprise drug test sa 40 ka magtutudlo sa Tejero NHS human sa seminar may kalabutan sa epekto sa paggamit sa ilegal nga drugas ug usa kanila ang wala nalakip tungod kay buntis.
Tanang resulta sa drug test gipaabot nga mogawas karong adlawa.
Samtang si Josephine Reyes, administrator sa Tejero NHS, nibutyag sa Banat News nga wala’y problema kanila ang drug test tungod kay limpyo man sila ug maayo usab kini’ng panag-ingnan aron mapakita nila nga mga maayo sila’ng modelo sa kabataan. (BANAT NEWS)
- Latest
