VM Labella mobiya una sa PCAC
CEBU, Philippines – Kasamtangang buhian ni Bise Mayor Edgardo Labella ang pwesto isip chairman sa Police Coordinating and Advisory Council (PCAC).
Matud ni Labella nga dili na niya makaya ang kadaghan nga importante’ng responsibilidad hinungdan nga pila na ka semana ang nilabay nga wala na siya katambong sa sinemana nga meeting sa PCAC.
Usa sa naka-busy ni Labella ang pagtabang sa katawhan nga sunod-sunod nga gipangdemolis.
Gihatagan usab siya og responsiblidad ni Mayor Michael Rama sa iya’ng programa nga “Give Land to the Landless” ug uban pa nga mga social needs.
Suyot ni Labella nga mohulip kaniya mao ang kanhi chairman sa PCAC, Engr. Eugene Elizalde, nga sakop sa Metropolitan Cebu Water District (MCWD) Board.
Dili pa mabana-bana ni Labella kun hangtud kanus-a siya mobiya sa PCAC apan magpabilin gihapon siya nga mag-supervise sa kalihukan.
Hinuon makig-estorya pa si Labella kang Rama labot sa iya’ng desisyon.
Si Labella usab ang chairman sa Cebu City Cultural and Historical Affairs Commission (CHAC). – /GMR) (BANAT NEWS)
- Latest
