Campaign posters i patangtang

CEBU, Philippines - Ipatangtang gyud ni Mayor Michael Rama ang mga propaganda nga gipangbitay sa lain-laing dapit sa dakbayan may labot sa eleksiyon sunod tuig.

Kini tungod kay kalapasan sa Cebu City Ordinance 1361 kon ang Anti-Littering Ordinance ug Republic Act (R.A.) 9003 kon ang Ecological Solid Waste Management Act of 2000.

Matud ni Rama nga dili usab niya tugutan ang iya’ng mga supporters nga magbutang og tarpaulins ug sama usab ang baruganan ni Bise Mayor Edgardo Labella.

Tahasan ni Rama ang Cebu City Transportation Office (CCTO), Prevention Restoration Order Beautification Enhancement (PROBE) Team, Department of Public Services, Barangay Environmental Officers (BEO) ug mga volunteers.

Ang pangulo sa CESET, Grace Luardo, nagpaabot lang sa mando sa mayor kun kanus-a masugdan ang pagpangdakop sa mga molapas sa mao’ng ordinansa. (Sheriza Mae R. Uy/GMR)(BANAT NEWS)