Cyber-bullying tukion
CEBU, Philippines - Ilusad sa Child Protection Network ang youth conference sa Sugbo bahin sa cyber-bullying karong adlawa hangtud ugma sa Bayfront Hotel.
Ang United Nation Children’s Fund (UNICEF) mao’y major sponsor sa kalihukan sa Child Protection Network nga usa ka non-government organization nga gilangkuban sa mga doktor, social workers, polis, mga abogado ug mga tawo nga nagtrabaho alang sa pagprotekta sa kabataan.
Si Dr. Naomi Poca, hepe sa Pink Center sa Vicente Sotto Memorial Medical Center (VSMMC) ug organizing chairperson sa conference, nagkanayon nga usa sa ila’ng tumong ang paghatag og adequate services ngadto sa mga bata nga biktima sa pagpangabuso.
Si Padre Fidel Orendain, event organizer sa kalihukan, nagkanayon nga usa sa tumo’ng sa conference mao ang paghatag og oportunidad sa kabataan nga ma-aware sila kabahin sa cyber abuses nunot sa problema sa paggamit sa teknolohiya.
Matud ni Orendain nga usa sa problema nga buot nila’ng hatagan og pagtagad ang cyber-bullying nga nauso sa Estados Unidos diin 50 porsiyento sa mga naghikog nga teenager sa mao’ng hinungdan ug dili sila buot nga mahitabo dinhi sa nasud.
Ang cyber-bullying lahi sa traditional bullying diin ang bata kung ma-bully sa eskwela kung mouli siya sa balay ang iya’ng mahuna-huna nga safety na siya.
Apan sa cyber-bullying ang bata dili makabatyag nga safety siya bisan og naa siya sa balay tungod kay na-bully siya online sa internet.
Tumong sa conference nga ang mga bata edukahon kabahin sa cyber-bullying aron usab sila mahimo’ng responsable sa paggamit sa teknolohiya ug makahibawo sa mga balaud. (Brenda D. Batuto/GMR)(BANAT NEWS)
- Latest
