Magsuong Sitoy mag-atbang
CEBU, Philippines - Hayan mag-atbang ang magsuong Sitoy sa lungsod sa Cordova sa pagka-mayor sa umaabot eleksiyon. Sila si Mayor Adelino Sitoy ug anak nga si Bise Mayor Therese "Tetchie" Sitoy-Cho ang magbaylo og posisyon.
Kagahapon, si Cho niduso na sa iya’ng certificate of candidacy sa pagka-mayor samtang si Sitoy sa pagka-mayor ubos sa Liberal Party.
Kuyog nila ang mga kandidato sa pagka-konsehal nga sila si Lemuel Pogoy, Allan Tiro, Angeles Gairanod, Nicolas Tura, Rodrigo Sumagang, Cesario Muñez, Cesar Suan ug Teodorico Casquejo.
Apan gihugunhugonan nga karong adlawa moduso usab sa iya’ng COC ang laing anak ni Sitoy nga si Bokal Arleigh Jay Sitoy sa pagka-mayor batok ni Cho.
Si Arleigh kinsa ubos usab sa LP ang may usa pa ka termino sa hunta probinsiyal sa ika-unom nga distrito.
Gideklarar na sa LP ang ila’ng mga kandidato sa hunta probinsiyal sa ikaunom nga distrito nga sila si Bise Mayor Glen Bercede ug Konsehal Julius Alegado sa Consolacion.
Ang pares ni Arleigh nga si Bokal Thadeo Ouano magpasubli ubos sa One Cebu Party. (BANAT NEWS)
- Latest
