JVR nakakita gyud og bise
CEBU, Philippines - Nakakita gyud og pares sa pagka-bise mayor si Talisay City Mayor Johnny de los Reyes sa iya’ng pagsang-at sa certificate of candidacy kauban sa iya’ng grupo kagahapon.
Nibarug si Konsehal Dennis Basillote nga mahimo’ng runningmate ni JVR sukwahi sa una’ng taho nga siya modagan sa pagka-bokal sa una’ng distrito.
Matud ni Basillote nga siya ang gipangita sa katawhan nga mopares ni JVR hinungdan sa iya’ng pagsugot.
Ang ila’ng mga konsehal mao sila si Clifford de los Reyes, anak ni JVR; Atty. Alfredo Sipalay, Vince Monterde nga kanhi reporter sa mantalaan, Dina Ceniza, Kapitan Bernard Balorio sa Pooc, Kapitan Teodoro "Balo" Belleza sa Poblacion, Konsehal Val Ylanan, Konsehal Cesar Baba sa Lawaan 1, Konsehal Monette Rabaya sa Dumlog ug Rex Basillote, anak ni Dennis.
Samtang pormal usab nga niduso sa iya’ng COC si Minglanilla Mayor Elanito Peña kagahapon sa buntag. Si Pena ang giubanan sa iya’ng bise mayor nga si Jojo Selma nga magpapili pagbalik sa mao’ng posisyon.
Nikompleto sa ila’ng grupo mao sila si Jimmy Caumeran, Roy Nacario, Jhong Adlawan, Jerry Canares, Edwin Quiapo, Prose Laput, Dodong Getuaban ug si Alexander Abadinas. (BANAT NEWS)
- Latest
