BOPK nag-motorcade paingon sa comelec

CEBU, Philippines - Nag-motorkada ang mga kandidato sa Bando Osmeña Pundok Kauswagan paingon sa buhatan sa Commission on Elections alang sa pagsang-at sa ila’ng certificates of candidacy.

Kini human sa Santos nga Misa sa St. Therese Parish sa Lahug.

Gibanabana nga kapin sa usa ka libo ka supporters ang nikuyog sa motorcade padulong sa Plaza Independencia diin nagpaabot usab ang ubang supporters.

Matud ni kanhi mayor Tomas Osmeña nga tapuson ni Mayor Michael Rama ang iya’ng termino sulod sa prisohan.

"Ngano’ng ipapriso man ko, unsa ma’y kaso? Kinsa man siya? Jail guard siya? Sherriff siya? Wala’y problema, andam ko ni’ng atubangon," tubag ni Rama.

Kuyog nga niduso sa ila’ng COC ang runningmate ni Osmeña nga si Konsehal Nestor Archival, Kongresista  Rodrigo “Bebot” Abellanosa sa South District ug Kongresista Raul del Mar sa North District. Nisang-at usab sa ila’ng COC ang mga kandidato sa pagka-konsehal sa duha ka distrito ubos sa BOPK.

Karong adlawa usab gikatakda ang mga sakop sa Partido Panaghiusa para sa Panerbisyo Tungod sa Gugma-Team Rama- United Nationalist Alliance (PPP-TG-TR-UNA) nga gipangulohan ni Rama ug Bise Mayor Edgardo Labella human sa Santos nga Misa sa Metropolitan Cathedral.  (BANAT NEWS)