CONA sa LP sa 1st district giilogan

CEBU, Philippines – Niawhag si Kongresista Gerald Anthony "Samsam" Gullas kang Gobernador Hilario Davide III nga dili mohatag og Certificate of Nomination and Acceptance sa Liberal Party sa mga dili incumbent.

Kini isip pagtamod sa equity of the incumbent.

Si Gullas ang gitagaan og CONA sa LP sa kauluhan ug dili si San Fernando Mayor Antonio Canoy kinsa original nga sakop sa LP nga mosakbang ni Gullas.

Si Canoy nilupad sa kauluhan sa pangindahay nga makakuha og CONA sa mga nag-una’ng political parties.

Gani gitawag ni Canoy si Bise Mayor Romeo Villarante sa dakbayan sa Talisay nga dili una moduso sa ila’ng COC ug maghuwat kaniya.

"Ready na unta ang tanan para sa pag-file pero amo lang sa gi-cancel kay huwaton lang usa si Mayor Canoy," matud ni Villarante.

Si Canoy ug kaubanan hayan motabok sa laing partido kung kini dili makakuha og CONA gikan sa LP.

Samtang gikompirma ni Davide ang hangyo ni Gullas.

Matud ni Davide nga siya ang gihatagan og katungod nga mo-isyu sa CONA sa mga component cities sama sa Carcar, Danao, Bogo, Toledo, Talisay ug Naga. Ang Carcar, Talisay ug Naga ang sakop sa una’ng distrito ubos ni Gullas. - /GMR) (BANAT NEWS)