100-days IEC countdown himuon sa Biyernes

CEBU, Philippines – Si Cebu Archbishop Emeritus Ricardo Cardinal Vidal  maoy mangulo sa ipahigayong Santos nga Misa alang sa 100-Days Countdown sa dili pa ang International Eucharistic Congress 2016 nga ipahigayon dinhi sa Dakbayan sa Sugbo sunod tuig.

Ang Santos nga Misa ipahigayon karong Oktubre 16, Biyernes sa alas-5 sa hapon sulod sa Cebu Metropolitan Cathedral nga tambongan sa mga Organizing Committee ug volunteer sa maong International nga kalihukan. Ang cathedral maoy ulohan nga simbahan sa Archdiocese of Cebu ug naa usab gipahimutang ang IEC countdown clock nga unang gipasiga niadtong Enero 24 sayo ning tuiga.

Samtang ang Office of the Civil Defense nipatawag og tigum sa tanang ahensya sa gobiyerno nga malambigit sa umaabot nga 51st IEC aron tukion ang seguridad ug kaluwasan sa mga motambong.

Gimugna sa maong tigum ang Regional Incident Management Team nga maoy motutok sa mga kalihukan.  - /EIM) (BANAT NEWS)