Seniors sa Toledo nakadawat na og cash assistance
CEBU, Philippines - Kapin 13 mil ka senior citizens sa dakbayan sa Toledo ang nakadawat na og cash assistance nga P1,000 matag usa.
Niabot sa kapin 13 mil ka mga senior citizen gikan sa 38 ka barangay sa dakbayan sa Toledo ang nakadawat na sa ilang cash assistance.
Matud ni Godofredo Villarta ,labaw sa Office of the Senior Citizens Affairs (OSCA) sa Toledo City adunay 13,561 ka mga senior citizens ang siyudad.
Si Toledo City Mayor John Henry Osmeña maoy nangusog sa pagpahatag sa maong cash assistance alang sa mga senior citizens.
Dugang ni Villarta nga kadtong mga nalista apan wala pa makadawat tungod sa kakulian sa panglawas, tuyuon sa pag-adto sa ilang panimalay ug personal nga itunol sa taga Treasurer’s Office ang ilang cash assistance. (BANAT NEWS)
- Latest
