Depositors sa RBS miduol kang Pelaez
CEBU, Philippines – Adunay planong mopasaka og kasong syndicated estafa ang mga depositors sa Rural Bank of Subangdaku (RBS) batok sa kanhi presidente niini nga si Mayor Paz Radaza sa dakbayan sa Lapu-Lapu.
Kini maoy gibutyag sa negosyanteng si Efrain “Jun” T. Pelaez, Jr. sa gipadala niining pamahayag dinhi sa Banat News.
Sumala pa ni Pelaez, ang 22 counts of fraud nga gipasaka sa Bangko Sentral ng Pilipinas (BSP) ug sa Philippine Depositors Insurance Corp. (PDIC) usa ka “serious criminal charges.”
“Radaza can’t get away with (this) fraud,” matud pang Pelaez kinsa miingon nga ang RBS depositors mopasaka sa ilang hiniusang reklamo nga syndicated estafa batok sa kanhi presidente sa RBS. Midugang siya nga wala malipay ang mga depositors nga nakapiyansa og P400,000 si Radaza sa kasong paglapas niini sa Central Bank rules sa miaging tuig. Sumala pa ni Pelaez, adunay mga depositors sa RBS nga miduol kaniya aron magpatabang sa pagpasaka sa kaso ug mipasalig siya nga ilaha silang tabangan. “For crying out loud, this is one of the biggest, if not the biggest, bank failures and scandals in the history of Cebu,” dugang pa ni Pelaez.
Si Pelaez, nagpabiling chairman sa Liberal Party sa Lapu-Lapu City ug misaway matud pa pagtabon ni Radaza sa isyu sa RBS pinaagi sa “political theatrics and zarzuela.”
Iyaha usab gikalipay nga namahawa na sa ilang partido ang gihulagway niyang wa magsunod sa tinud-anay nga katuyoan sa LP.
“They were good riddance for us, and we are thankful they made us realize they were not for ‘Daang Matuwid,” matud pang Pelaez. (BANAT NEWS)
- Latest
