P386M proyekto sa siyudad sa 2016

CEBU, Philippines - Nagtinguha ang Cebu City Development Council nga ma-implementar ang P386 milyones nga kantidad nga mga developmental projects sa dakbayan sunod tuig.

Ang CDC bag-ohay lang ni-indorso og listahan sa mga proyekto nga naglakip sa pagpatukod ug pagpaayo sa evacuation centers, multi-purpose halls ug health centers apil na ang pagpaayo sa kadalanan ug nagpaabot na lang sa pagtugot sa konseho.

Gawas sa P386 milyones, may P164 milyones nga gigahin alang sa social development, P139.4 milyones sa economic development ug P82.5 milyones sa environment development.

Ang development projects iapil kini sa 2016 Annual Investment Plan diin ang pundo gikan sa 20 percent development fund.

Ang internal revenue allotment sa kagamhanan sa dakbayan sa Sugbo nagkantidad og dili mominus P1.5 bilyones matag tuig ug maoy kuhaan sa 20 percent DF.

Atol sa sesyon, giindosar ngadto sa committee on budget nga gipangulohan ni Konsehal Margarita Osmeña ang AIP para sa review ug recommendation.  (BANAT NEWS)