Bata-bata ni Daan gipusil

CEBU, Philippines - Gikaingong sakop sa napatay nga gipasanginlang tulisan ug gun for hire nga si Richie Daan gipusil diha sa barangay Tanke, sa Dakbayan sa Talisay kagahapon sa hapon.

Nailhan lang sa pangalang “Jonathan” ang biktima nga giingong taga  Minglanilla ug nag-abang sa sitio Lawis, barangay Tanke uban sa iyang kapuyo.

Si Daan ang iladong lider sa mga kriminal nga napatay sa otoridad niadtong miaging adlaw.

Si Senior Police Officer 1 Mikie Espina nga nahinabi sa Banat News miingon nga ang kapuyo sa biktima wala mahibaw sa apelyedo sa iyang hinigugma tungod kay usa pa lang ka buwan silang nag-ipon.

Ang mga silingan sa biktima miingon nga tiglawog sa mga baboy ni Daan si Jonathan.

 Matud pa ni Espina nga nagmaneho sa iyang trisikad ang biktima sa dihang gisundan sa wa mailhing mamumuno nga nagsakay sa motorsiklo ug gipusil kini duha ka higayon, ang biktima kritikal ang kahimtang ug gidala sa Talisay City District Hospital.

 Usa ka slug sa .45 nga bala ang narekober sa kapulisan sa crime scene.

Sigun pa ni Espina ang mga silingan ni Jonathan mipasangil nga sakop sa karibal nga grupo ni Daan nga mao ang grupo sa usa ka naila lang nga “Eugene” maoy ilang gidudahang mihimo sa maong krimen.  (BANAT NEWS)