‘Rights’ sa 93-1 lots gibaligya?

CEBU, Philippines – Pipila ka mga benepisyaryo sa kontrobersyal nga 93-1 Provincial Lots diha sa dakbayan sa Sugbo gikatahong nibaligya og mga “rights” sa luna ngadto sa ubang tawo.

Sumala pa nga di momenus P60 mil ang kantidad sa yuta gipamaligya sa mga benepisyaryo ngadto sa gustong mopuyo sa ilang luna. Kini bisan pa man og wala pay mga titulo ang mga luna gawas lang sa gitawag og “rights” isip benepisyaryo sa yuta sa probinsya. Apan giklaro ni Vice Govenor Agnes Magpale nga risgo kini alang sa mga nakapalit sa rights sa yuta maproblema unya sila niini kay wala pa hingpit nga masulbad ang problema tali kanila ug sa  Cebu City government .

Hinuon si Magpale nagkanayon nga adunay listahan sa orihinal nga mga benepisyaryo sa 93-1 lots ang lalawigan lakip na niini ang mga lista sa homeowners associations hinungdan nga masubay gihapon kini kinsay tinuod nga benepisyaryo.

Samtang si Alona Dalut pangulo sa Upper Kalunasan Homeowners Association sa iyang bahin nga panerbisyo ang unahon ug di negosyo ug giawhag niyang dawaton sa lalawigan ang tanyag nga P500 milyones nga pasiunang bayad sa  siyudad. Gihimakak hinuon kini ni Gob. Hilario Davide III. – Brenda D. Batuto ug Sheriza Mae Uy/EIM) (BANAT NEWS)