Usa ka tuig nga bata nalumos

CEBU, Philippines – Namatay ang usa pa ka tuig nga bata’ng lalaki diha nga nahulog kini sa fish pond didto sa Barangay Guinsay, Danao kaniadtong Domingo sa hapon.

Si PO3 Marlon Remollo sa Danao Police Station miila sa biktima nga mao si John Anthony Torrejos nga anak sa usa ka magtutudlo sa maong dapit. Nataligam-an sa inahan ang bata nga milakaw ug mipaingon sa gamay’ng fish pond atubangan ra sa ilang balay. Diha nga nakit-an na ang bata, naglutaw na kini sa tubig.

Si PO3 Remollo miingon nga bisan kun wala’y foul play ang kamatayon sa biktima apan gitambagan nila ang ginikanan sa biktima nga ipa-autopsy ang lawas sa bata. – /RUB) (BANAT NEWS)