Cebu Press Freedom day ang Sept. 21
CEBU, Philippines - Giaprobahan sa konseho sa dakbayan sa Sugbo ang pagdeklarar sa Septiyembre 21 isip Cebu Press Freedom Day.
Kini base sa giduso nga resolusyon ni Konsehal Nedell Hanz Abella.
Sayo niini ang Kongreso nihimo usab sa sama’ng deklarasyon pinaagi sa resolusyon nga giduso ni Kongresista Raul del Mar.
Sa mao’ng adlaw nga mao usab ang petsa sa pagdeklarar sa Martial Law, gigahin sa mga sakop sa media sa Sugbo ang pag-ila sa mga natampo sa pag-usab sa katilingbang Sugbuanon.
Sukad sa tuig 2000, gisaulog ang semana diin nasulod ang Septiyembre 21 isip Cebu Press Freedom Week nga gideklarar usab sa konseho sa dakbayan sa Sugbo.
Ang Septiyembre 21 giila nga mahinungdanong ang papel sa media sa mao’ng adlaw.
Karong adlawa sugdan ang usa ka semana nga kalihukan sa Cebu Press Freedom Week pinaagi sa parada gikan sa Plaza Independencia hangtud sa SM City Trade Hall. (BANAT NEWS)
- Latest
