Nagpaabot pasahero gipatay
CEBU, Philippines - Gipusil patay sa wala mailhing lalaki ang usa ka drayber sa habal-habal nga nagpaabot og pasahero sa barangay Bagacay sa lungsod sa Sibonga sa miaging gabii.
Ang namatay mao si Agustino Sejismundo, 33, taga Lindogon, Sibonga nga matud pa naglingkod sa iyang motor niadtong tungora dihang giduol sa usa ka lalaking nagsuot og ski mask ug itom nga jacket ug diretsong mipusil sa ulo niini.
Daling miikyas ang lalaki samtang gitabang ang biktima ug gidala sa Cebu Provincial Hospital sa dakbayan sa Carcar ug gideklarar na kini nga dead on arrival.
Nakuha sa kapolisan ang usa ka slug sa kalibre .45 sa crime scene apan walay laing nakuha didto gawas niini.
Gisubay pa karon sa kapolisan sa lungsod sa Sibonga ang posibleng motibo sa pagpamusil sa maong drayber sa habal-habal. (BANAT NEWS)
- Latest
