Kable sa internet gikawat

CEBU, Philippines - Mokabat sa P19 mil nga kantidad sa kable sa internet ang gipanglangkat sa wala ilhi’ng kawatan sa barangay Dumlog, dakbayan sa Toledo.

Usa ka Jose Sabrido, 37, minyo taga barangay Luray Dos ug Jordan Genson, pulos trabahante sa usa ka telecommunication company, ang nidangop sa Toledo City Police Station human sa pagkahanaw sa ila’ng cable wires.

Kini atol sa ila’ng gihimo’ng pakisusi human daghang reklamo ang ila’ng nadawat may labot sa connection sa internet sa mao’ng dapit.

Nadiskubrehan na lang nga nalangkat na ang linya sa kable.

Gibana-bana nga 75-metros ang gitas-on sa gipanglangkat sa wala ilhi’ng kawatan. (Raymond D. Abarcas/GMR)(BANAT NEWS)