‘Maldito’ gipatay sa silingan

CEBU, Philippines – Giila’ng maldito’ng tawo ang gipatay sa silingan gawas sa iya’ng panimalay sa Ramona Dawis, Tabunok, dakbayan sa Talisay niadto’ng Dominggo sa udto.

Ang biktima giila nga si Isagani Baricuatro, 45, minyo, samtang ang  suspek giila nga si Ryan Campo, 31, ulitawo nga nagpuyo sa mao’ng lugar.

Sa imbestigasyon sa kapolisan nasuta nga gitawag sa suspek ang biktima diha sa ila’ng panimalay.

Pag-gawas sa biktima, duha ka buto sa armas ang nadunggan sa asawa sa namatay.

Naka-recover og usa ka deformed slug sa wala matino’ng bala ang kapolisan sa kilid sa lawas sa biktima.

Hinuon ang suspek ang nitahan sa kapolisan kuyog sa usa ka Glenn Adlawan nga iya’ng higala.

Matud sa suspek nga aduna sila’y panagbangi sa biktima human siya gipusil niini samtang nahubog.

Si Campo niingon nga giadto niya si Baricuatro aron komprontasihon kung unsa ang problema apan ang naulahi ang nibunot og armas hinungdan nga iya kini’ng gilayog ug nailog ang armas dayun pusil.

Gani niadto’ng niagi’ng semana, usa ka Erwill Abarquez, 36, ang giingong gitigbas sa biktima.

Si Supt. Germano Mallari, hepe sa kapolisan sa siyudad sa Talisay, nihulagway sa biktima nga maldito ug gani kadaghan na kini’ng higayun nga gialarma sa iya’ng mga sakop.

Hinuon siya nisaysay nga mopadayun gihapon ang ila’ng pagpasaka og kaso batok ni Campo. – /GMR) (BANAT NEWS)