Desisyon ni Duterte posibleng mausab
CEBU, Philippines – Political adviser ni Davao City Mayor Rodrigo Duterte miingon nga posibleng mausab pa ang hunahuna sa mayor bahin sa 2016 Elections human nga mianunsyo kining moretiro na siya sa politika.
Matud pa ni Lito Banayo sa report sa GMA News Online nga posible pang mausab ang hunahuna ni Duterte kini bisan pa man namahayag na sa TV5 forum nga di na siya mopadayon sa 2016 presidential race kay di gusto sa iyang pamilya ug sa iyang anak nga mayor.
Kahinumdoman nga sa sinugdanan pa lang, daan nang miklaro si Duterte nga di siya interesadong ma-presidente hangtud nga nisibaw ang mga balita nga daghan kaayo ang nanawagan pakandidatuhon siya.
Base sa nigawas nga Social Weather Stations presidential preference survey niadtong Hunyo, si Duterte ikaupat sa presidential aspirants sunod kang kanhi Interior Secretary Manuel “Mar” Roxas II.
Wa hinuon moklaro si Duterte kun mosugot ba siya nga mokandidato pagka-bise presidente pares kang Roxas. Apan si Banayo miklaro nga wala siya masayod bahin niini apan sumala pa niya dili ganahan si Duterte makigpares kang Roxas. (Gikan sa Wires/EIM)
- Latest
