3 punoan sa kahoy maputol sa Juan Luna Avenue

CEBU, Philippines – Tulo lang sa 15 ka punoan sa kahoy sa Pope John Paul II Avenue (kanhi Juan Luna Avenue) ang ibton sumala pa sa inspecting officers sa Community Environment and Natural Resources Office.

Kini ang resulta sa ocular inspection nga gihimo sa CENRO human ang kagamhanan sa siyudad sa Sugbo nangayo og permit aron mapadali ang road project sa Department of Public Works and Highways nunot sa umaabot International Eucharistic Congress sunod tuig.

Ang center island diin adunay 11 ka fire trees ug upat ka mahogany trees kinahanglang tangtangon aron adunay open way pasulod sa Seminario Mayor de San Carlos compound diin nahimutang ang bag-ong gitukod nga IEC Pavilion alang sa 15,000 ka langyaw ug lokal nga mga delegado sa pito ka adlaw nga kalihukan.

Ang City Hall’s Parks and Playground Commission (PPC) chairman Librado Macaraya, Jr. nihangyo og Special Tree Cutting and Earth-balling Permit aron sa pagbalhin sa mga punoan sa kahoy una tangtangon ang center island.

Ang siyudad kinahanglan nga mo-secure sa mga gikinahanglan aron maisyuhan og permit sama sa barangay certification; DPWH-7 certification and endorsement; ug documentation sa usa ka public hearing uban sa environmentalist groups, non-government organizations, ug private sectors. – /GMR) (BANAT NEWS)