Toledo PNP nisaulog sa Crime Prevention Week
CEBU, Philippines – Miduyog ang Philippine National Police Toledo City sa kasaulogan sa ika-21 nga National Crime Prevention week sulod sa buwan sa Septiyembre.
Si Police Superintendent Ali Baron hepe sa kapulisan sa Toledo ang nipahimangno sa iyang mga sakop kalabot sa maong kasaulogan nga gipasiugdahan sa National Police Commission. Subay kini sa Presidential Proclamation No. 461 nga adunay petsa nga Agosto 31, 1994.
Ang kalihokan karon adunay tema nga “Krimen ay tuldokan karapatan ay igalang”. Kini mao ang paghatag og atensyon sa community and service oriented policing system nga gitinguha sa kapulisan.
Pinaagi sa pagtambayayong sa uban nga mga law enforcement agencies, mga local executives og komunidad.
Tumong sa kapolisan nga mamenusan ang mga krimen pinaagi sa partisipasyon sa katawhan ug pagkombate sa mga organisadong krimen alang sa kaluwasan ug seguridad sa kinabag-an. – /EIM) (BANAT NEWS)
- Latest
