Nanghagis, mga manok gigulgol
CEBU, Philippines – Nagtingkagol sa Toledo City detention cell ang usa ka lalaki human nga nanghagis sa panimalay sa iyahang igsuon sa Brgy. Bulongan sa dakbayan sa Toledo ug gipanggulgol ang mga manok didto.
Si Marvin Sarucam ,22, gipadakop sa iyang mga igsuon nga sila si Melinda Igot, 26, ug Maricel Sarucam ,18, pulos nagpuyo sa gihisgutang lugar.
Sa imbestigasyon sa mga kapulisan sa Toledo, kalit lang miabot sa panimalay sa iyahang igsuon ang suspetsado ug sa walay igong rason nanghagis kini kanila.
Giingong giguba sa suspek ang pultahan ug bungbong sa panimalay ug wala pa gyud matagbaw gipatay pa niini ang mga hiniktang manok.
Tungod sa kahadlok sa mga igsuon, nangayo sila og tabang sa mga barangay tanod sa lugar hinungdan sa pagkasikop niini ug gidala sa Toledo city police station.
Padayon pang gisuta sa kapulisan ang hinungdan kun nganong nanghagis ang maong suspek. – /EIM) (BANAT NEWS)
- Latest
