Palma: Walk with Mary usa ka panaw

CEBU, Philippines – Liboan ka magtutuo ug mga relihiyoso’ng pundok ang niapil sa Walk with Mary kagahapon sa buntag gikan sa atubangan sa Kapitolyo hangtud sa St. John Paul 2 grounds sulod sa Archbishop’s Palace sa dakbayan sa Sugbo.

Sa una’ng higayon tulo ka imahe sa Mahal nga Birhen ang gisakay sa karo atol sa prosesyon.

Human sa prosesyon, gisunod ang Santos nga Misa nga gidumala ni Arsobispo Jose Palma.

Mapasalamaton si Palma sa organizers sa kalihukan ug sa mga deboto subay sa kasaulogan sa umaabot nga birthday sa Mahal nga Birhen.

Sumala pa ni Palma ang paglakaw kang Mama Mary usa ka panaw nga naa ang pagtuo.

"Faith is a reminder to God, ang pagtuo mao’y gipasigarbo ug pasalamat usab sa Ginoo sa gasa sa pagtuo," matud ni Palma.

Awhag ni Palma sa tanang magtutuo nga dili mauwaw mopasigarbo sa ila’ng pagtuo ug dili mauwaw nga moapil sa mga kalihukan sa simbahan.

Panawagan ni Palma ang pagpasalamat sa mga grasya nga niabot pinaagi sa gasa nga gihatag sa Ginoo uban sa panabang sa Mahal nga Birhen nga nahigugma sa tanan niyang mga anak. –

/GMR) (BANAT NEWS)