Tipolo gihimoan og multi-purpose building ug playground

CEBU, Philippines – Ang mga lumolupyo sa Lower Tipolo, dakbayan sa Mandaue nangalipay kaayo nga ang ilang dapit gipatukoran og multi-purpose building ug playground nga adto makaduwa-duwa ang ilang mga anak. Si Mayor Jonas Cortes ug City Administrator James Abadia miawhag sa mga sakop sa Tipolo Homeowners Association nga atimanon kanunay ang  building nga ilang giisip nga sayo nga pinaskohan.

Ang multi-purpose building gitambayayongan pagtukod pinaagi sa Ramon Aboitiz Foundation Incorporated (RAFI) ug sa kagamhanan sa dakbayan sa Mandaue.

Samtang ang grupo nga P. Green moabag usab ug maoy maghimo sa playground ingon man ang pagbutang og Solar panel nga maoy mohatag og kuryente nga maghatag og kahayag sa maong dapit. Mga lumolupyo nahinangop kaayo sa mao nga kalamboan kay ang ilang mga anak aduna nay dapit nga adto sila magduwa. – /RUB) (BANAT NEWS)