Unang distrito ipa-free zone
CEBU, Philippines - Gisugyot ni Kongresista Gerald Anthony “Samsam” Gullas Jr. nga himuong zona libre sa Liberal Party ang una’ng distrito sa eleksiyon sa 2016.
Kini aron malikayan ang kaguliyang sa mga lokal nga kandidato human siya nga sakop sa Alayon Party ang gitudlo nga pangulo sa LP sa distrito nga nakapadismaya sa mga orihinal nga sakop.
Nabalaka si Gullas nga masakripisyo pa hinuon ang ila’ng gitinguha nga kadaugan nilang Sec. Mar Roxas sa pagka-presidente, Gob. Hilario Davide III ug Bise Gob. Agnes Magpale.
“Let the district be a free zone so everyone can support Sec. Mar, Gov. Junjun and VG Agnes to ensure a huge win in the 1st district of Cebu,” matud ni Gullas.
Matud ni Gullas nga nahisgutan na nga siya ang kandidato sa LP sa pagka-kongresista apan free-zone ang mga mayor.
“I wouldn’t want to be an official candidate while my mayors fight it out in a free zone. I will stick it out with them every step of the way,” matud ni Gullas.
Isip pangulo sa LP sa distrito, si Gullas gitahasan sa pagpili sa mga lokal nga kandidato.
Apan si Gullas niingon nga kung ang iya’ng kaalyado sa Alayon Party ang iya’ng pilion nga mga kandidato sa LP, nabalaka siya nga magkaguliyang ang grupo sanglit ang mga tigpaluyo ni Roxas, Davide ug Magpale segurado nga mosupak niini. (BANAT NEWS)
- Latest
