3 Hapon, Pinay naluwas

CEBU, Philippines - Unom ka mga tawo apil ang tulo ka Hapon nga turista ang naluwas human natikyaob ang ilang gisakyang motorbanca sa kadagatan sa Looc sa dakbayan sa Danao samtang padung sa Camotes Island alas-2 pasado kagahapon sa hapon.

Ang mga sakay naglangkob sa tulo ka mga Hapon, usa ka Filipina ug duha ka mga crew sa maong motorbanca diin ang mga Hapon ug ang Filipina gidala ngadto sa Ormoc City sa nakabangal kanilang fastcraft gikan sa Cebu City.

Atol sa pagsuwat ning balita padayon pang gi-rescue sa coast guard Danao ang crew sa motorbanca  nga nagpabilin  didto sa dagat samtang wala pa usab ipagawas ang mga pangalan sa mga gidala didto sa Ormoc City. (BANAT NEWS)