Gipusil sa gikalalis kritikal

CEBU, Philippines - Kritikal ang kahimtang sa usa ka tawo nga gipusil sa habal-habal drayber sa Tabok, dakbayan sa Mandaue alas 7 pasado kagahapon sa buntag.

Si Police Officer 1 Peter Martinez sa Presinto 3 sa Mandaue City Police Office (MCPO) niila sa biktima nga si Tommy Gapasin Alarde, 49, taga Pulpogan, Consolacion ug ang nagpusil mao si Reynaldo  Balta  Malinao, 41, taga Upper Tabok sa mao’ng dakbayan.

Matud ni Martinez nga ang duha nagkatagbo ug nahitabo ang mainiton nga panaglalis.

Ang suspek nga wala na ka pugong sa kapungot ang dali’ng niibot sa armas ug gipusil sa makadaghang higayun ang biktima kinsa nakabaton og unom ka samad sa bukobuko, dughan ug ubang bahin sa lawas ug dali’ng gidala sa ambulansiya sa Emergency Rescue Unit Foundation (ERUF) sa Vicente Sotto Memorial Medical Center. Ang suspek nga nakapusil dali nga nakasibat. (BANAT NEWS)