APEC wa pa nasabti sa publiko
CEBU, Philippines – Buot ang mga opisyal ug tigpasiugda sa Asia-Pacific Economic Cooperation (APEC) Summit nga masabtan sa publiko ang katuyoan sa kalihukan nga ipahigayun sa Sugbo.
Kini human daghan pa gihapon ang naglibog kung unsa gyud ang kalihukan.
Si Lito Maderazo, Cebu Organizing Committee Coordinator sa APEC 2015 niingon nga ang tumong sa kalihukan ang paghiusa sa member economies.
Matud ni Maderazo nga ang APEC usa ka policy dialogue sa mga sakop aron dunay maayo’ng relasyon sa pagpalambo sa turismo ug ekonomiya.
Kini gihulagway usab nga oportunidad sa Sugbo ang pag-host tungod kay moabot man ang mga senior officials gikan sa mga nagkalainlaing lugar.
Mahimo’ng ipakita sa mga Sugbuanon sa mga bisita ang mga maanindot nga mga cultural heritage lakip na sa mga tourist spots ug mga nagkadaiyang resorts.
Matud ni Ethel Natera, Public Information Officer sa Kapitolyo, nga gusto nila’ng ipaabot sa publiko kun unsa’y mga malungtaron nga epekto sa APEC sa Sugbo ug kaayuhan nga makuha human unya sa kalihukan.
Samtang ang Department of Agriculture-7 pinaagi ni Regional Technical Director Joel Elumba niingon nga ang papel sa ila’ng ahensiya ang pagseguro sa food supply ug food safety alang sa mga delegado. – /GMR) (BANAT NEWS)
- Latest
