Sitoy, Baricuatro, Binghay daghang palta
CEBU, Philippines – Nag-una sa ka daghang palta sa sesyon sa hunta probinsiyal sa Sugbo sila si Bokal Arleigh Sitoy, Christopher Baricuatro ug Alex Binghay nga may lima matag usa kanila.
Ang regular session himuon matag Lunes ug sukad Enero hangtud Agosto 10 karong tuiga, 29 na ka session ang nahimo.
Si Sitoy, ang majority floor leader, may tulo ka "official leave" ug duha ka "absent" samtang si Baricuatro may duha ka "on leave" ug tulo ka "on official business" ug si Binghay palta sa upat ka sesyon ug usa ka “on official leave.”
Si Bokal Joven Mondigo ug Grecilda Sanchez may tag-upat ka palta. Si Mondigo adunay "absent," "on leave," "sick leave" ug “official business” samtang si Sanchez may tulo ka "on leave" ug “absent” sa usa ka sesyon.
Si Bokal Peter John Calderon ug Carmen Meca nakapalta og tag tulo ka higayun sa rason nga “official business,” “on leave” ug “absent.” Si Bokal Sun Shimura nakapalta og duha ka session sama usab nila Bokal Thadeo Ouano samtang si Bokal Celestino Martinez III, Raul Yayoy Alcoseba ug Jude Thaddeus Sybico nakapalta og tag usa ka session.
Si Bise Gobernador Agnes Magpale, presiding officer pro tempore Julian Daan ug Bokal Miguel Antonio Magpale ang wala’y palta sa sesyon. – /GMR) (BANAT NEWS)
- Latest
