Nag-caravan sale gikawatan
CEBU, Philippines – Nabiktima sa mga kawatan ang usa ka kompaniya nga nagpahigayon og caravan display duol sa Toledo City police station.
Si Thomas Cleve Elopre, 24, taga Brgy. Poblacion trabahante sa nabiktimang kompaniya nga tigpautang og mga appliances igo na lang pagsumbong sa kapulisan kalabot sa maong hitabo.
Sa imbestigasyon sa mga kapulisan, giingong nakatulog ang mga gwardiya nga gipabantay sa lugar diin gipamutang ang ilang mga appliances nga ilang gibaligya.
Hinungdan nga nakahigayon pagkawat ang mga kawatan sa mga gi-display nga appliances nga gitabonan lang og mga net.
Nakuha sa kawatan ang duha ka monitor sa computer nga gibana-banang mokabat og dul-an sa P50 mil ang kantidad. Padayon pang giimbestigahan sa kapulisan ang maong hitabo. – /EIM) (BANAT NEWS)
- Latest
