Binay niduaw sa Toledo City

CEBU, Philippines – Gibisita ni Vice President Jejomar Binay ang mga barangay sa dakbayan sa Toledo sa tinguha nga makakuha og suporta gikan sa mga residente didto sa iyang ambisyong mamahimong sunod nga presidente sa nasud.

Lakip sa gibisita ni Binay ang barangay Captain Claudio, Canlumampao, Gen. Climaco,  Dumlog, Poblacion ug uban pa.

Kuyog sa bise presidente sa paglibot sa kabarangayan  si Princess Jacel Kiram sa Sulu kinsa gituohang usa sa mga mokandidato ubos sa iyang     lineup.

Nitambong sa maong kalihokan ang mga senior citizens, mga brgy.officials ug uban pa niyang supporters.

Edukasyon ug kalamboan maoy gisaad ni Binay sa mga Sugboanon kun makadaog kini sa eleksyon. Sama sa gihapon nakigsawo siya pinaagi sa budol fight atubangan sa Toledo City Public market.

Kampante si Binay makuha ang mayoriya sa mga botante sa probinsiya sa Sugbo bisan pa man sa mga pasangil nga kalambigitan niya ug sa iyang pamilya sa kurapsyon sa dihang mayor pa kini sa Makati City. – /EIM) (BANAT NEWS)